भारत सरकार शिष्यवृत्ती

• उद्दिष्ट:
अनुसूचित घटकातील मान्यवर व्यक्तींचे स्मारक बांधणे तसेच अनुसूचित जातीच्या सांस्कृतिक व नीती मुल्यांवर आधारित विकास साधणाऱ्या प्रकल्पासाठी स्वयंसेवी संस्थांना अनुदान मंजूर करणे.

• लाभाचे स्वरूप :
अनुसूचित जाती व नवबौद्ध(महाराष्ट्रातील अनुसूचित जातीतील बौद्ध धर्मांतरित) घटकातील मान्यवर व्यक्तींचे स्मारक बांधणे तसेच सांस्कृतिक व ऐतिहासिक दृष्ट्या महत्त्व असलेल्या स्थळांचा विकास करणे. त्याचप्रमाणे सांस्कृतिक व नीतीमूल्यांवर आधारित विकास साधणाऱ्या प्रकल्पासाठी स्वयंसेवी संस्थांना अनुदान उपलब्ध करून देणे.

१) प्रकल्पाची मंजूर किंमत रु.२.०० कोटी किंवा त्यापेक्षा कमी असल्यास निधी वितरणाची संपूर्ण कार्यवाही सहाय्यक आयुक्त, समाज कल्याण यांनी करावी. प्रकल्पाची किंमत रु.२.०० कोटी पेक्षा जास्त असल्यास विहित टप्प्यावरील प्रकल्पाचा मूल्यांकन दाखला सहाय्यक आयुक्त समाज कल्याण यांनी प्रादेशिक उपयुक्त समाज कल्याण यांच्याकडे मान्यतेसाठी सादर करावा व त्या प्रादेशिक उपायुक्त यांची मंजूरी झाल्यानंतर निधी वितरणाचे कार्यवाही करावी.

२) पहिला हप्ता अंदाजे 25% :- कार्यारंभ आदेश दिल्यानंतर संबंधित बांधकाम कंत्राटदाराने कामास सुरुवात करून प्रकल्प किमतीच्या अंदाजे 25% किमती पर्यंतचे काम पूर्ण करावे. तसेच स्वयंसेवी संस्थेच्या १०%हिश्यापैकी५% रकमेचे काम कंत्राटदाराने पूर्ण करावे.

३) दुसरा हप्ता अंदाजे 25% :- कंत्राटदाराने पुढील बांधकाम चालू ठेवून प्रकल्प किमतीच्या अंदाजे 55% इतक्या किमतीचे बांधकाम पूर्ण करून सदर बांधकामाचा मूल्यांकन दाखला संबंधित बांधकाम यंत्रणेच्या सक्षम प्राधिकाऱ्या कडून प्राप्त करून सहाय्यक आयुक्त समाज कल्याण यांच्याकडेसादर करावा.

४) तिसरा हप्ता २५%: -बांधकाम कंत्राटदाराने पुढील बांधकाम चालू करून प्रकल्प किमतीच्या अंदाजे 80% इतक्या किमतीच्या बांधकाम पूर्ण करावे तसेच संस्थेच्या उर्वरित हिश्याचे५ % किमतीचेही पूर्ण करावे व झालेल्या बांधकामाचे अंदाजे 85% खर्चाचा मूल्यांकन अहवाल बांधकाम यंत्रणेच्या समक्ष सादर करावा.

५) चौथा हप्ता (अंतिम हप्ता) :- बांधकाम कंत्राटदाराने प्रकल्पाचे उर्वरित बांधकाम पूर्ण करून प्रकल्पाचा १००% खर्चाचा मूल्यांकन दाखला तसेच प्रकल्प पूर्णत्व दाखला बांधकाम यंत्रणेच्या समक्ष प्राधिकाऱ्याकडून प्राप्त करून सहाय्यक आयुक्त समाज कल्याण यांना सादर करावा.