अनुसूचित जाती व नवबौध्द घटकांतील युवकांसाठी सैन्य व पोलिस भरतीपूर्व प्रशिक्षण योजना

• उद्दिष्ट:
अनुसूचित जाती व नवबौद्ध घटकातील युवाकांमध्ये सैन्य व पोलीसे भरतीपूर्व प्रशिक्षणाचा अभाव असल्यामुळे, ते सक्षम असून सुद्धा त्यांना योग्य ती संधी मिळत नाही त्यामुळे त्यांना सैन्य व पोलीस भरतीची संधी उपलब्ध करून देण्याकरिता ही योजना सुरु करण्यात आली आहे.

• अटी व शर्ती
1. उमेदवार महाराष्ट्र राज्याचा अनुसूचित जाती/ नवबौद्ध घटकातील असावा.
2. उमेदवार 18 ते 25 वर्ष या वयोगटातील असावा.
3. उमेदवाराची उंची छाती इत्यादी सैन्य व पोलीसे भरतीसाठी विहित केलेली शारीरिक पात्रता असावी.
4. इयत्ता 12 वि पास असावा.
5. शारीरिक दृष्ट्या निरोगी असावा.
6. प्रशिक्षणाचा कालावधी 3 महिन्याचा राहील.

• लाभाचे स्वरूप
या योजनेंतर्गत प्रशिक्षणाचा कालावधी 3 महिन्याचा राहील 3 महिन्याच्या कालावधीत उमेदवारांच्या राहण्याची सोय प्रशिक्षण संस्थे मार्फत करण्यात येईल. प्रशिक्षण कालावधीत धावणे, उंच उडी, लांब उडी, गोळाफेक, पूल अप्स, ऑप्टिकल्स,रस्सी चढणे इ. विषयाचे शास्त्रशुद्ध प्रशिक्षण देण्यात येईल.